MP Ralph Regenvanu via mail52.us1.mcsv.net
07:00 (1 hour ago)

to me

Nyus i kam long MP mo Pati
Parliament of the Republic of Vanuatu

OL LAS INFOMESEN LONG SAED BLONG VOT

Olgeta,

Hemia ol las infomesen long saed blong vot:

1. BALLOT PEPA blong ol kandidet blong GJP:
Taem yu go insaed long polling stesen, bambae oli givim yu fulap smol-smol BALLOT PEPA : wan-wan blong evri kandidet we oli kontest long konstituensi.
Yu mas jusum aot BALLOT PEPA blong kandidet blong GJP mo putum insaed long smol envelop mo putum insaed long ballot box.
NO MESTEM BLONG PUTUM STRET BALLOT PEPA BLONG KANDIDET BLONG GJP I GO INSAED LONG BOX:
– KALA blong ballot pepa hemi wan kaen “PINK” o “ROSE”. Yu save luk kala ia long http://www.graonmojastis.org/kandidet/evri-12-kandidet
– Ballot Pepa blong GJP bae i gat NEM mo FOTO blong kandidet mo LOGO blong pati long wan pepa we hemi KALA “PINK” O “ROSE”.

– LOGO blong pati hemi hemia long lef-saed antap long mesej ia – wan nakamal wetem wan san i stap gerap bihaen long hem

2. Yu save luk nem mo konstituensi blong ol 12 kandidet blong GJP longwww.graonmojastis.org
– Pasem toktok i go long ol famli long aelan blong vot long ol kandidet ia

3. Hao bae yumi sherem vot long tufala kandidet blong Port Vila konstituensi:

– Yufala blong ol Provins blong TORBA, SANMA mo PENAMA, plis yufala vot long Charles Vatu
– Yufala blong ol Provins blong MALAMPA, SHEFA mo TAFEA, plis yufala vot long Ralph Regenvanu.
Long rod ia nao, bae yumi save mek sua se tufala kandidet blong GJP long Port Vila long 2012 bae oli pas.
Plis pasem toktok ia long ol famli mo ol fren – hemia nao hao GJP i wantem yumi vot long eleksen ia blong mek sua se tufala kandidet blong Port Vila tufala tugeta i mas pas long 2012.

Mi wishim yufala evriwan wan saksesful voting long eleksen dei!

Ta, Ralph

Leave a Reply

Your email address will not be published. Required fields are marked *