PNG kastom i stopim loa long kalabusim ol pipol i kilim meri: Philma Kelegai

Updated 7 February 2014, 14:53 AEST

AFP/Bethany Keats

Amnesty International i autim bikpla koros blongen long Papua New Guinea long em i slo tumas long bringim long kot, ol pipol i kilim nating wanpla meri, em ol i ting ibin iusim sorcery long kilim narapla wanpla yar igo pinis.

I am Kepari Leinata photo campaign

Kempein blong Kepari Leniata Legacy (Credit: ABC Licensed)
Piksa: Piksa blong ol pipol i kukim long paia wanpla meri em ol ting i iusim black majic
Odio: Philma Kelegai, president and co-founder blong Kepari Leniata Legacy.

February 6 i makim wanpla bihain long dai bilong Kepari Leniata, meri oli kukim em long Mount Hagen bihain long oli ibin sutim tok igo long em long sorcery.

Nius long kilim dai bilong em ibin go raun long wol na tu, ol foto bilong em long ol laspla minit bilong em i stap laif.
Philma Kelegai, President blong Leniata Legacy na itok em i wanbel wantaim displa toktok blong Amnesty International.
Em i tok taem ino gat wanpla bikpla mas ol i lukim long 2013, planti tok save na kempein igo het iet long ol violens na trabol ol meri i save bungim oltaem insait long Papua New Guinea.
“Wai displa i slo tumas long ol loa i mekim save long ol pipol i kilim Leniata, mipla ino save tasol, kalsa na pasin blong ol pipol long ples we displa kaen pasin blong paitim meri i sava kamap oltaem, ating i mekim loa i slo.”
Kate Schuetze blong Amnesty International Pacific i tok em i kirap nogut long wai ino gat wanpla man oa meri i kamap long kot oa igo kalabus long displa kaen kilim dai.
Ol ripot long las yar i tok tupla ol ibin sasim tupla pipol tasol Amnesty itok ino wanpla igo kalabus.
Black Magic kilim dai iwok long kamap bikpla insait long Papua New Guinea.
Displa indai na pasin we ol ibin kilim Kepari Leniata long las yar, Ms Kelegai ino ting olsem Death penalty mekim save bai ino stopim ol pipol i kilim dai pipol.
“Long tingting blong mi iet, mi no ting death penalty bai ino kamapim wanpla sanis na displa Gavaman imas skelim gut loa na ino ken sot kat long death penalty,” em ibin tok.http://www.radioaustralia.net.au/

Leave a Reply

Your email address will not be published. Required fields are marked *