Forum Solomon Islands International i laek fo help long eni nid blong kantri

Forum Solomon Islands International social media grup hem se hem wanfala main tingting blong olketa nao hem fo helpem kantri long eni wei olketa save help sapos nid hem kamap.

Vice President blong FSII, Ismael Nori hem talem diswan taem hem explenim wae nao olketa bin duim samfala samting finis fo help.

Diswan hem inkludim help go long samfala nid blong National Referral Hospital long Honiara, helpem fo klinimap Honiara City an help tu long taem blong disasta long kantri.

Nomata plande long olketa kaen waka ia hem samting wea gavman nao hem shud duim, Mr Nori hem se sapos nid hem stap, olketa mas trae an help and ino fo weit fo gavman.

Mr Nori hem se tingting blong olketa fo help, hem save hapen tu long givim samfala advais oa tokaot long olketa samting wea gavman hem duim hem no stret.

Leave a Reply

Your email address will not be published. Required fields are marked *