Vanuatu klab jampion, Digicel Amicale FC oli anaonsem se oli stap long proses naoia blong karem i kambak long kaontri 3 impot pleia blong Brazil.

Wetem International Transfer Certificate blong trifala Brazilian pleia i redi finis, Digicel Amicale i stap traem iet blong flyem olgeta pleia ia i kam blong help finishim jampionship, mo hopefully helpem klab i kwalifae from Oceania Football Champions League.

 Trifala Brazil pleia ia i gat Diego Maximo, difenda we hemi bin impressem plante futbol fan las sisen taem we Digicel Amicale hemi bin go tekem pat long Champions League, Elias Silva Junior (Pepeta), wan straeka we hemi kam ‘highy recommended’ mo wan ‘offensive midfielder bageken, Marcelo we hemi gat 22 yia nomo, be plante eksperiens.

Olgeta pleia ia oli kamaot long Belo Horizonte.

Trifala Brazilian pleia oli no olgeta fes Brazil impot blong Digicel Amicale, afta we i lukim long 2012, klab ia hemi impotem 2 pleia blong Sao Paulo, Jefferson Moura mo Paula Da Cruz.

 Digicel Amicale bambae hemi karem tu wan Solomon Islands pleia, we hemi smol brata blong difenda, Nelson Sale, Moffat Kilifa, we hemi bin kam plei wetem Ifira las sisen.

Long olgeta maj blong tede long Port Vila Stadium, long 11am, Tafea i plei Shepherds United, 1pm, Tupuji i plei Mauriki mo long 3pm, Erakor i plei Digicel Amicale.

 Raymond Nasse

Sports Editor