PNG 2017 Fashion wik na Climate Change

Updated 27 January 2017, 13:15 AEDT

Climate change bai kamap olsem wanpla bikpla samting em bai oli toktok na soim long Fashion wik blong Papua New Guinea long mun August blong despla yia.

Director blongĀ  PNG Fashion Week (PNGFW) Mrs. Janet Sios, itokaut long despla taem oli bin lonchim long stat blong despla wik.

Emi tok oli laik iusim despla Fashion long tokaut long bikpla wari em climate change iwok long kamapim nau long ol pipal blong PNG na ol narapla kantri long Pacific rijan.

2017 Fashion wik bai kamap olsem namba tu long social kalenda blong PNG, bihaen long oli bin holim nambawan Fashion wik long 2016.

As tingting blong PNG Fashion wik em blong soim ol gutpla save blong ol artist na ol designers blong PNG olsem oli gat namba long Fashion industry.

Sampla biknem blong Fashion blong Australia, Fiji na Tonga bai stap tu long despla Fashion wik long PNG. Janet Sios itok tu olsem sampla atolls olsem Caterets na Mortlocks long Bougainville nau i bagarap pinis long ol solwara bihaenim Climate Change.

http://www.radioaustralia.net.au/tokpisin/2017-01-27/png-2017-fashion-wik-na-climate-change/1647242

Leave a Reply

Your email address will not be published. Required fields are marked *