Janis blong ol komuniti i wok from mane long Van2017 Mini Games ( Vanuatu )

Nyus i kam long MP mo Pati
Parliament of the Republic of Vanuatu

Janis blong ol komuniti i wok from mane long Van2017 Mini Games

Olgeta –

Van2017 Pacific Mini-Games i stap lukaotem ol komuniti grup (jioj, yut, sports klab, etc) blong givhan long taem blong Mini-Games blong:
i) mekem klinap blong evri eria blong veniu blong ol kompetisen
ii) mekem klinap blong evri eria blong Gems Vilej
iii) mekem jenerol wok long Gems Veniu.

Bae ol komuniti grup i mas aplae, mo sipos oli jusum yufala, bae oli pem yufala blong wok we yufala i mekem.
Aplikesen I klos long Fraede long wik ia, namba 26 Mei.
Luk moa infomesen daon.

Ta, Ralph

Namba 10 Pacific Mini Gems bae i tekem ples long Port Vila long namba 4 kasem namba 15 Disemba 2017.  Gems ia bae i lukim ova long 2500 atlet blong 24 nesen blong Pasifik bae oli tek pat long (13 or 15?) difren spot mo disiplin. Blong Gems ia i kam wan sakses, i kat nid blong ol difdifren egensi oli save wok gud tugeta  blong mekem sua se long taem blong wok, bae i no kat dabol wok mo tu blong yusum gud smol risos we i stap. Oganaesing Komiti blong 2017 Pacific Mini Gems i stap askem ol saplaea we i stap finis, ol grup blong komiuniti, ol grup blong ol provins, ol asosiesen blong spot, ol grup blong ol yut, mo ol non- profit oganaesesen blong sendem kam ol proposol blong save kam saplaea blong provaedem ol sevis blong klinap long olketa difdifren veniu blong kompetitsen mo olketa difdifren vilej blong Gems.

Ol eria blong wok
Ol mein eria blong provaedem ol sevis ia hemi:

  • provaedem klinap long ol pablik ples/ol stol blong kaekae long ful taem we Gems i tekem ples;
  • klinap insaed long ol Pablik eria blong blong olketa veniu blong kompetisen;
  • klinap albaot aotsaed mo tu insaed long olketa eria blong ol vilej blong Gems;
  • wok fos – blong givhan long tim blong ol Operesen blong Van2017 bifo long Gems mo afta long Gems.

Askem mo karem moa infomesen
Mifala i stap invaetem evri grup we i soem intres blong save karem infomesen pak we i kat long hem ful ditel blong Ekspresen blong Intres (EOI) ia long website ia: www.Van2017.com or sendem email long Samson@van2017.com

Dedlaen blong EOI Proposol i mas kasem mifala bifo Fraede, namba 26 Mei 2017 long 5 klok aftanun, stret taem blong VANUATU mo yum as adresem i ko long:
EOI3 – Cleaning
Van2017 Pacific Mini Games TGE Building, Unit 1 Champagne Estate PO Box 6015
Port Vila.

Phone: +678 / 550 2017
Email: pa@van2017.com
Web: http://www.van2017.com

Klosing deit blong aplikesen: 5pm Fraede 26 Mei 2017.

Credit: Vanuatu Minister Of Lands – Ralph Regenvanu.

Leave a Reply

Your email address will not be published. Required fields are marked *