GJP HEMI KAREM NAMBA 3 MINISTERIAL PORTFOLIO ! (Vanuatu)

Nyus i kam long MP mo Pati
Parliament of the Republic of Vanuatu

GJP HEMI KAREM NAMBA 3 MINISTERIAL PORTFOLIO !

Olgeta –

Long moning tede Praem Minista i apoentem GJP MP blong Tanna, Andrew Napuat, hemi kam Minista blong Intenol Afeas.

GJP MP blong Santo, Alfred Maoh, hemi reshuffle aot long posisen we hemi bin holem olsem Minista blong Intenol Afeas i go long posisen blong Minista blong Lands we GJP MP blong Port Vila, Ralph Regenvanu, i bin holem.

Presiden blong GJP, Ralph Regenvanu, i reshuffle i go long Minista blong Foren Afeas.

Wetem reshuffle ia, GJP naoia hemi holem 3 ministri, Lands & Natural Resources, Internal Affairs mo Foreign Affairs & External Trade.

Wan narafala niufala Minista i bin apoented tede, hemi MP blong Leaders Bloc blong Malekula Gracia Shedrack we hemi kam Minista blong Health.

Wetem reshuffle ia, Leaders Bloc tu naoia i gat 3 ministri.

Tufala MP we oli sakrifaesem Ministri, Bruno Lengkon blong NUP mo Jerome Ludvaune blong RMC, bae PM i apoentem olgeta olsem ol Parliamentary Secretary (karem ol vacant posisen we reshuffle i livim).

Gavman i winim Mosen blong Nogat Trast

Folem reshuffle ia, Gavman i bin winim mosen blong nogat trast we i bin pas long Palamen long 4 klok long aftenun tede.

Mosen i bin lus wetem 13 vot we i sapotem mo 37 vot we oli agensem.

Meri Krismes mo Hapi Niu Yia long yufala evriwan!

Ta, Ralph

Graon mo Jastis Pati (GJP) · P.O. Box 1189 · Port Vila 00 · Vanuatu

Email Marketing Powered by MailChimp

Comments